Raq el Habib

Sunday, June 11, 2006
Music by: Mohamed Al-Qasabji
Lyrics by: Ahmad Rami
Date: 1941


رَق الحبيب و واعدني يوم .. و كان له مدة غايب عني
حَرَمت عيني الليل من النوم .. لاجل النهار ما يطمّني
صُعُب عليّ أنام .. أحسن أشوف في المنام
غير اللي يتمناه قلبي
سِهِرت أستنّاه .. و اسمَع كلامي معاه
و اشوف خياله قاعد جنبي
من كُتر شوقي سبقت عمري .. و شُفت بكره و الوقت بدري
و إيه يفيد الزمن مع اللي عاش في الخيال
و اللي في قلبه سكن .. أنعَم عليه بالوصال
طلع عليّ النهار .. سهران بنور الأمل
و غنّت الأطيار لحن الهوى و الغزل
و فضلت أفكر في معادي .. و احسب لقربه ألف حساب
و كان كلامي مع صحابي .. عن المحبة و الأحباب
من فرحتي بدي اتكلم .. و أقول حبيبي مواعدني
لكن أخاف ليكون بينهم مظلوم في حبه يحسدني
هجرت كل خليل ليّ .. و فضلت عايش مع روحي
أحسن يبان شيء في عينيّه .. من كتر خوفي على روحي
و لما قرّب معاد حبيبي و رُحت أقابله
هنّيت فؤادي على نصيبي من قرب وصله
و لقيتني طايل من الدنيا كل اللي أهواه
بس اللي كان فاضل ليّ أسعد بلقاه
لما خطر ده على فكري حيّر أمري
و القرب سبّب تعذيبي
ولقيتني خايف على عمري ليروح منّي
من غير ما اشوف حُسن حببي
 
posted by MoonLightShadow at 10:34 PM, |

3 Comments:

« back home | Post a Comment
  At 6/11/2006 11:50:00 PM Blogger Lasto-adri *Blue* said:
ya 3m ya 3m 3ala thoma bas
mesh ad el 7agat deh ;)

btw: this song is my fav,
  At 6/11/2006 11:58:00 PM Blogger MoonLightShadow said:
It became one of my favorites as well.. the lyrics are amazing.
  At 6/12/2006 10:46:00 PM Blogger Lasto-adri *Blue* said:
definatly

و إيه يفيد الزمن مع اللي عاش في الخيال


« back home | Post a Comment